السلام عليكم
معاكم أحمد جمال من مصر
مدرب كالثتينكس ولياقة بدنية وأخصائى تغذية رياضية
وحابب انى اشارك خبرتى وتجربتى على مدار 3 سنين هنا معاكم فى الكالثتنكس خاصة انى المحتوى العربى فى المجال دا نادر جدا هنا
من حوالى 3 سنين ما كانش شكل جسمى عاجبنى وبدأت احس انى ثقتى بنفسى مش أحسن حاجة وصحتى مش بتتحسن
وروحت الجيم 3 شهور ولكن حسيت انى مش دا اللى انا عايزه
وحبيت جدا فكرة انك تتحكم فى وزن جسمك وتتعلم مهارات شكلها جميل بإستمرار من خلال  التمرين بوزن الجسم بكل جدية

بدأت فى البيت بتمارين الأساسيات

والتزمت فى التمرين وحددت أهداف معينة على المدى القصير والطويل

ووصلت لنتايج كويسة ومرضية بالنسبة لى ومازلت وهفضل اتعلم بإستمرار

واتعلمت انك لازم يكون عندك هدف وتسعى انك توصله وانت بس اللى شايفه وانت بس اللى ممكن توقف نفسك أو تخليها تكمل .. مش حد تانى