#forlaflatado: Lernu prelegi en 10 simplaj paŝoj

La plej tikla afero rilate parolarton estas ne tio, kiel oni movas la manojn aŭ voĉas, sed la nescio pretigi prelegoplanon. Sen tio, oni nur malfacile scios kion diri, kion fari, kion montri kaj sekve kiel movi la manojn.

Ĝuste tion la kurso helpas solvi. Ĝi konsistas el 11 ĉ. sep minutojn longaj videolecionoj, kiujn oni povos spekti iam ajn, kiom da fojoj oni deziros, per poŝtelefono mem.

Krom la videoj, iuj moduloj enhavas elŝuteblajn materialojn, kiuj helpos vin pretigi vian prelegon en ĉiuj etapoj. Ili estas PDF-dokumentoj, kaj vi povas ilin presi laŭplaĉe.

En la plimulto el la moduloj vi trovos ligilon de spektindaj prezentaĵoj el TED TALKS. Cetere, la tuta kurso kaj la metodo #forlaflatado estas bazitaj sur la principoj mem de TED. Mi montros al vi unu realan ekzemplon, kiel mi mem preparis prelegon, kiun mi jam plurfoje prezentis.

Efektive, prelegi estas multe pli ol informi. Prelegi estas antaŭ ĉio inspiri, partodoni ideon.

SUME:

​1. En iuj moduloj vi trovos elŝuteblajn materialojn;

2. Elŝ​utu la apon de Udemy kaj lernu per via poŝtelefono;

3. Okaze de demandoj, kontaktu la kursgvidanton per leandro.brazilo@gmail.com aŭ​ per Telegramo @forlaflatado

Cetere, la kurso utilas ne nur al tiuj, kiuj deziras komenci prelegi, aŭ kiuj prelegas, sed ankoraŭ ne kontentas pri la propraj rezultoj. Ĝi utilas al iu ajn, kiu deziras lerni prezenti ideojn.

Bonegan kursadon al vi!

Senpage ofertas al la Esperanto-komunumo UEA - Universala Esperanto-Asocio