اختيار الكاريير الصح
What you'll learn
- o إزاي تحدد إمكانياتك ومهاراتك وشخصيتك كويس وازاي تشتغل على نقاط الضعف اللي عندك وازاي تطور من نفسك علشان في النهايه تقلل الفجوه بين المهارات المطلوبه
- o إزاي تعمل تسويق لنفسك ومهاراتك والبروفايل المهني بتاعك في عالم الكاريير بحرفيه وفن علشان تقدر توصل لأي شركة عايز تشتغل فيها
- o إزاي تقدر تقنع اللي قدامك انك الشخص المناسب للوظيفه وتنجح في أي انترفيو
- o إزاي ترسم مشوار نجاحك الوظيفي يوم ورا يوم وتنمي خبراتك ومهاراتك طول الوقت اللي انت شغال فيه
Requirements
- In confusion-To-Conclusion program we only accept the serious people who are truly ready to what it takes to achieve the balance of How to be successful in your career and How to be satisfied
Description
النهارده عملت سيرش على جوجل عن " فرص العمل الجديده" ولقيت عشرات المواقع المتخصصه في مجال التوظيف منزله مئات الفرص المتاحه في جميع التخصصات ولجميع المستويات....طيب إيه المشكله ؟ ليه فيه شباب كتير لسه موش لاقيين الكاريير ولا الوظيفه المناسبه ليهم لدرجة إن بقى عندهم قناعه بإن مافيش شغل؟
علشان أقدر أجاوب على السؤال ده هاحكيلك تجربتي اللي أنا مريت بيها في الكاريير بتاعي..
أنا إسمي وائل علي...اتخرجت وكان عندي حماس كبير جدا وحلم إني هاشتغل في مكان كبير بمرتب كبير...وأعيش ال
Lifestyle
اللي على مزاجي...وأقدر أسافر لبلاد كتيره...واشتري العربيه اللي نفسي اركبها...والحمد لله كل ده اتحقق بفضله وكرمه عليا
بس الحقيقه أنا ماوصلتش لده إلا بعد مشوار طويل ورحلة صعبه مريت فيها بلحظات إحباط ويأس...وقعت في مطبات كتيره في رحلتي في الكاريير بتاعي اللي اشتغلت فيه.
كنت بدور على شغل في كل حته...واستنيت كتير ...وقد ايه كانت أصعب فتره مريت بيها في حياتي لما كان الوقت بيعدي عليا من ساعة مااتخرجت وأنا لسه بدور على شغل مناسب وكانت النتيجه واحده " إبعت السي في وهانشوف"....قد ايه كميه الإحباط واليأس وانت بتحس إن كل أحلامك دي أوهام وممكن ماتتحققش...قد إيه كمية الألم وإنت شايف نظرات الناس ليك إنك عاطل لسه.
بس كنت باشوف ناس ناجحه وبتعرف تشتغل في المكان والكاريير اللي عايزاه وبتحقق نجاحات كبيره كمان وده خلاني أفكر تاني وأسأل نفسي هي الناس دي عملت إيه ونجحت إزاي...ومن هنا كانت البداية ...قعدت مع نفسي كتيير وقربت منها واكتشفت إن عندي إمكانيات ومهارات كويسه جدا بس المشكله إني موش واخد بالي منها ومكنتش عارف انا ليه اساسا عايز اشتغل في الوظيفه دي او الكاريير ده المهم أشتغل في أي فرصه ألاقيها
قررت إني لازم أنجح وموش هاستسلم...حطيت أهداف محدده وأشتغلت عليها يوم ورا يوم...ومع كل هدف كنت باحققه كانت ثقتي بنفسي بتزيد وإصراري اني احقق أحلامي بيزيد وبقرب منها خطوه بخطوه لغاية ما حققت اللي نفسي فيه وقدرت أبنى بروفايل قوي فتح قدامي فرص كتيره في شركات مالتي ناشيونال جوه مصر وبره مصر
أكتر حاجه أتعلمتها من تجربتي دي هي لازم أغير من القناعه اللي بتتولد جوانا بسبب تكرار المحاولات والفشل خصوصا إن مشوار البحث عن وظيفه او تحديد الكاريير المناسب بيكون مليان بمشاعر ملخبطه شويه حماس وتفاؤل وشويه قلق وتوتر وإحباط....وإتعلمت كمان إن مافيش حاجه إسمها "مافيش شغل"..لكن إسمها فيه فرص بس لسه مانجحتش إني أوصلها.
هاقولكم على 3 خطوات مهمه أنا عملتها في تجرتي وحققت نتائج ممتازه في الوصول لهدفي وحلمي..الخطوات دي كالتالي:
1- Pinpoint your location in career world
2- Define your golden circuit (Why, How, What)
3- Create your career plan
أنا عملت الخطوات دي وحضرت كورسات مختلفه كتير علشان عايز افهم اكتر سر تحقيق النجاح واتعلم فن تحقيق اهدافي في الكاريير بتاعي وازاي اقدر احقق اهم حاجتين في الشغل بتاعي:
Self Satisfaction
Success
والحمد لله قدرت إني أعمل الكلام ده....علشان كده أنا بوعدك إنك أنت كمان تقدر تنجح في الوصول لهدفك وتحقق اللي انت عايزه في الكاريير بتاعك بداية من تحديد الكاريير والوظيفه المناسبه ليك لغايه ماتوصل لمرحله النجاح والرضا الوظيفي...من خلال 4 إستراتيجيات محدده وبمنهجيه واضحه هاتخليك عارف:
o إزاي تحدد إمكانياتك ومهاراتك وشخصيتك كويس وازاي تشتغل على نقاط الضعف اللي عندك وازاي تطور من نفسك علشان في النهايه تقلل الفجوه بين المهارات المطلوبه في سوق العمل وبين مهاراتك الحاليه
o إزاي تعمل تسويق لنفسك ومهاراتك والبروفايل المهني بتاعك في عالم الكاريير بحرفيه وفن علشان تقدر توصل لأي شركة عايز تشتغل فيها
o إزاي تقدر تقنع اللي قدامك انك الشخص المناسب للوظيفه وتنجح في أي انترفيو
o إزاي ترسم مشوار نجاحك الوظيفي يوم ورا يوم وتنمي خبراتك ومهاراتك طول الوقت اللي انت شغال فيه
الاستراتيجيات الاربعه دي هاشرحهالك بالتفصيل في الكورس ده
وكمان هاخليك تطبقها عملي بنفسك خطوه بخطوه من خلال تكنيك إسمه
CTP
بيخليك تنمي مهارات مهمه وتعيش جو الانترفيو الحقيقي وده بيخليك تقوي مهارة الإقناع
في الكورس ده هاعلمك إزاي تحط أهدافك وتعمل
Career plan
اللي هاتمشي عليه خطوه بخطوه لغاية ماتوصل للكاريير اللي بتحلم بيه
الكورس ده هاكون معاك خطوه بخطوه ودي بتكون فرصه رائعه إنك تسـأل وتاخد النصيحه والتجربه والخبره مني ومن زمايلك اللي معاك في الكورس
Who this course is for:
- سواء كنت لسه متخرج أو كنت بالفعل بدأت في كاريير بس حاسس إنك موش عايز تكمل فيه
Instructor
- 4.8 Instructor Rating
- 3 Reviews
- 23 Students
- 1 Course
Wael is a senior executive general manager; he has more than20 year’s handsome experience in Oil & Gas industry. Through his diligent career journey from fresh graduate engineer to top management position, he excels in providing concrete support & training for many engineers and supervisors.
Wael believe in knowledge transfer to help people develop themselves, so he dedicates most of his time & efforts to transfer his experience and to guide others towards career success & fulfillment…. This is his mission