The complete AutoCAD 2017-21 Course(احترافيه الكاد بالعربية)

أكيد انت لفيت في منصات كتير وتايه من كتر الكورسات في تعليم برنامج الأوتوكاد وبتلاقي الكل متشابه ، وبقيت محبط من تدريب نفسك لتعليم نفسك من كثرة الأوامر الموجوده  فيه.

وعشان كدة أنا جاي النهاردة أقولك إن كورس الأوتوكاد بتاعي مختلف عن أي كورس هتشوفه تآني ؛ لأنه بيعلمك البرنامج من الألف إلي الياء ومفيش حاجه هتتتعلمها في البرنامج من غير تطبيق ، وكمان أي ملف هيتفتح في الدورة هو ملكك.

وبوعدك كمان إن الدورة دي هتخليك تقدر تطلع مشروع كامل إحترافي وتقدر تجيب فلوس مقابل المهارات اللي هتتعلمها في الدورة.

أكيد انت سمعت الكلام ده كتير بس إن شاء الله هكون عند حسن ظنك.

-! طب لو أنا بعرف أستخدم الأوتوكاد بس مش محترف فيه ينفع أسجل؟

أكيد ينفع، لأني هراجع معاك في البداية على الحاجات السهلة وبعد كدا هناخد حاجات متقدمة في البرنامج، وعايزك تتأكد إني دايماً هكون معاك خطوة بخطوة،وتقدر تتواصل معايا ف أى وقت عن طريق الملفات الشخصية الخاصة بيا علي منصات التواصل المختلفة أو عن طريق قسم الأسئلة والأجوبة على المنصة، ولو انت كويس في البرنامج فالدورة بردو مناسبة ليك لإنها هتعلمك إزاي توصل للإحتراف.

وأنا اشتغلت علي الدورة بحيث تكون لكل المستويات، مع ملفات تدريب ومشروع واقعي عشان تقدر تطبق مهاراتك اللى اتعلمتها خلال الدورة، وهتنزل سوق العمل تكون واقف علي أرض صلبة.

- هعلمك كل حاجة خاصة بالبرنامج ومع التقدم في الدورة هقولك أي الأدوات الأسرع والأسهل لاختصار الوقت، ومع كل محاضرة إن شاء الله هتلاقي تطبيق عشان تثبت كل المعلومات اللي خدناها.

-- " الدورة صنفت من أكثر الدورات شمولاً عبر الأنترنت لأنها تحتوي علي ١١ سكشن  ومدة كل سكشن ساعة. "

-- تشمل شرح لجميع أوامر الأوتوكاد مصطحبة بملف بيدي أف  يوجد فيه جميع الأوامر وإختصاراتها وتتضمن جميع المميزات الجديدة لإصدارات 17،18،19،20،21.

- !طب أنا هتعلم إي يابشمهندس في الدورة؟

- هتعرف إزاي تسطب البرنامج بكل سهولة مع وضع لينك لتحميل البرنامج والكراك الخاص بتفعيله

- التعرف علي جميع إعدادت البرنامج وضبط الإعدادات بما يناسبك

- هتقدر تعدل علي أى رسمه أوتوكاد انت محتاجها في شغلك أو دراستك

- هتقدر تضيف الأوتوكاد للسيرة الذاتية بتاعتك

- هتقدر تعرف المهارات الأساسية للبرنامج : الأشكال والنص والتعديل والطبقات والأبعاد وغيرها

- هتقدر تطبع المشروع بتاعك بكل سهولة أو تحوله لملف pdf

- هتقدر تفهم الإحداثيات وتقدر توقع إحداثيات أي مبني خاص بيك

- هتعرف إزاي ترسم المحاور التنفيذية أو المعمارية

- هتعرف ازاى تعمل الحوائط الداخلية والخارجية

- ازاي ترسم الأبواب والشبابيك

- ازاي تحط الأعمدة وتهشرها زى ماهيبقا مطلوب منك في اللوح التنفيذية

- ازاى ترسم الوجهات والقطاعات في كل مسقط أفقى عندك

- ازاي تقدر تدخل بلوك جاهز للبرنامج

- هتكون مؤهل بشكل كامل إنك تنتقل لأوتوكاد ثلاثي الأبعاد

- هتتعرف على شريط الحالة بكل تفاصيله

- هتعرف تحل أي مشكله تواجهك في البرنامج

"وفي أقرب وقت إن شاء الله هينزل كورسات لجميع البرامج الهندسية بطريقه إحترافية متنسانيش من التقييم ، وأشوفك في كورس تاني إن شاء الله."