ჭრა-კერვის კურსი მოყვარულთათვის

მოგესალმებით, მე გახლავართ ჭრა-კერვის პედაგოგი, უფრო კონკრეტულად, კონსტრუირებისა და მოდელირების პროგრამის ავტორი ნატალია ფერაძე. პროგრამა მოიცავს კერვის საბაზისო საფუძვლებს, შექმნილია დამწყებთათვის, რომლებსაც სურთ ისწავლონ კერვა, და ასევე მათთვის, ვისაც გარკვეული გამოცდილება აქვს ამ სფეროში. კურსის ბოლოს, თქვენ შეძლებთ შეკეროთ ქვედაბოლო და ერთნაკერიანი შარვალი, და ასევე შეძლებთ დასრულებული პროდუქტის გამოყენებას.

პროგრამა მოიცავს როგორც პრაქტიკულ, ასევე თეორიულ მასალებს. თეორიული ნაწილი მოიცავს თარგის დამზადებას, ხოლო პრაქტიკული ნაწილი გულისხმობს პროდუქტის გამოჭრას და დასრულებას. პროგრამის მეთოდიკა მოიაზრებს ინდივიდუალური ზომების მიხედვით პროდუქტის დამზადებას: თარგის აგებას ზომების მიხედვით, თარგის მოდელირებას, გამოჭრას და შეკერვას.

სილაბუსი შედგება 9 გაკვეთილისგან:

1. ხელსაწყოები: ინსტრუმენტების მიმოხილვა, რომელიც დაგჭირდებათ ამ კურსისთვის, მათი ცოდნა დაგეხმარებათ როგორც თარგის აგებაში, ისე პროდუქტის დასრულებაში, გამოჭრაში და შეკერვაში.

2. ზომების აღება: შეისწავლით ზომების აღებას თარგის დასამზადებლად ინდივიდუალური მეთოდიკით.

3. სამკერავი მანქანა: მანქანის სტრუქტურისული და ფუნქციური შესწავლა

4. ნაკერების სხვადასხვა ვარიაციები: გვირისტის სხვადასხვა ტიპების შესწავლა, სწორი გვირისტის, რკალური გვირისტის და ასევე კუთხის.

5. ხელის გვირისტი: სამი სახის ხელის გვირისტის ტექნიკის სწავლა.

6. ქვედაბოლოს თარგის აგება: ქვედაბოლოს თარგის აგება ინდივიდუალური ზომების მიხედვით.

7. ქვედაბოლოს გამოჭრა და დასრულება

8. ერთნაკერიანი შარვლის თარგის აგება: შარვლის თარგის აგება ინდივიდუალური ზომების მიხედვით.

9. შარვლის გამოჭრა და დასრულება

საჭირო ხელსაწყოებია:

· საკერავი მანქანა

· უთო და საუთოო მაგიდა

· ქსოვილის მაკრატელი

· ქაღალდის მაკრატელი

· პატარა მაკრატელი (მრღვეველი)

· სანტიმეტრის ლენტა

· ქინძისთავები

· ქაღალდი თარგის ასაგებად

· მარკერი

· ცარცი ან ქსოვილის საპონი

· რეზინი

გისურვებთ წარმატებული არჩევნის გაკეთებას.