ورشة عمل فيلا كلاسيك علي الريفيت المعماري

لما تقرر تاخد كورس ريفيت لازم تركز اوي ان اللي هيشرحهولك هيشرحه بالشكل الصح

و عشان الفكرة اللي الريفيت بيخدمها وهي ال BIM.

لازم يفهمك BIM process كويس و يفهمك دور الريفيت فيها ايه و ازاي تعمل الموديل صح

عشان كل اللي يتبني عليه يكون صح مثل استخرج اللوحات التنفيذيه و الحصر و الجداول و التفاصيل

اولا مينفعش الريفيت يتقارن بأي برنامج تاني انت شغال عليه ثري دي لان مع كامل الاحترام كل البرامج دي مش موجهة للمعماريين و لا لتنفيذ المشاريع الانشائية اصلا دي برامج جيرافيك ثري دي لكل المستخدمين يعملوا بيها اي موديل و انت بتتحايل عليه بجزء فقط من الاوامر الكتيره اللي فيه عشان تطلع منتج معماري بيكون مجرد قشرة خارجيه للمشروع

ثانيا مفيش برنامج منهم بيخدم فكرة ال BIM و اللي هي حاليا التوجه العام للشركات و المؤسسات في العالم من مرحله البدء في الاعداد للمشروع مرورا بالتنفيذ لمرحله التسليم و البعد المستقبلي فيما بعد التسليم ببساطه فكرة البيم انك تعمل موديلينج لكامل المنشيء بكل اجزاءه و تحاكي اللي هيتنفذ في الواقع بالفعل علي برنامج موديلينج علي الكمبيوتر

و بعد انهاء الموديلينج بشكل سليم في كل التخصصات بتستخرج من الموديل ده اللوحات التنفيذيه و المساقط المختلفه للمشروع و اللي بتنتقل من مهندسين التصميم الي مهندسين التنفيذ بيكون عندك قاعدة معلومات عن كل عنصر في المبني بتاعك

بتقدر في مرحله الموديلينج تغذي البرنامج بيها عشان تستدعيها فيما بعد في مرحله التنفيذ و منها بتقدر تستخرج كميات الخامات اللي بيتطلبها المشروع و تعمل الجداول التوضيحيه للبنود المختلفه التخصصات كلها شغاله علي فايل واحد في تيم واحد المشروع في حاله كوردنيشن مستمرة من اللحظه الاولي بين كل الاقسام

الريفيت بقي هو البرنامج المنوط بالمراحل دي من ال BIM process خلال دورة المشروع بتقدر منه تعمل modelling و documentation و take off و coordination و بيستكمل باقي ال BIM process برامج تانيه زي ال NavisWorks

هتقولي بس اخراج الريفيت ضعيف مقدرش اعتمد عليه للنهايه و بضطر استخدم برنامج تاني للريندر هنا وصلنا لتاني نقطه هننطلق منها

احب اوضحلك ان حاليا نزل vray للريفيت تقدر تعمل بيه رندر علي الريفيت نفسه بكل امكانياته و ان الخامات و البلوكات اللي كنا بنستخدمها في الماكس نقدر نستخدمها في الريفيت و بشكل مبسط و مباشر عن الماكس و كلامه الكتير و تقدر تحصل علي نتايج في الاخراج رائعه جدا

دا غير ان في محركات تانيه بتقدر ترندر بيها مشروعك زي ال Enscape و ده بيمكنك تعمل انميشن كمان و نتايجه مبهرة و بدون تعقيدات و اعدادات ريندر و كلام يلخبط

و متاح كمان تربط المشروع ببرامج ال real time render زي ال Lumion او ال Twinmotion او unreal engine و تطلع نتايج مبهرة لمشروع شغاله بيم مش مجرد قشرة خارجيه

الكورس بتاعنا لامس النقاط دي كلها و مستوعبها كويس و هيوضحهالك بشكل مبسط اعتمادا علي ترتيب منطقي في الموضوعات و الطرق المناسبه للاونلاين

من حيث جوده و منتاج المحاضرات او مده المحاضرة و اسلوب الشرح

عشان الكورس بتاعنا اول كورس ريفيت احترافي في الوطن العربي و اشملهم في موضوعاته قسمنا كورس الريفيت المعماري الي اربع مراحل بترتيب منطقي

يتكون الكورس من اربعه مراحل مترتبه علي بعضها البعض

نبتدي بمرحله الموديلينج و اللي بنشرح فيها بالتفصيل الممل اعدادات و خضائص اي شيئ يمكن عمل موديلينج له علي الريفيت كمجسم ثري دي

التفصيل الممل بيخليك قادر علي الوضول لاي مستوي تفاصيل يطلب المشروع يكون بيه سواء علي مستوي تفاصيل المجسم او الداتا اللي بيحملها المجسم داخل المشروع

بعد المرحله دي بتكون قادر علي العمل مع فريق بيم تحت اي مستوي تفاصيل

LOD

بعد انتهاء شرح الموديلينج لكل العناصر و شرح الخصائص و البراميتارز بالكامل بنطبق علي ورشه عمل لفيلا كلاسيك بدايه من ادخال ملفات الكاد الي الانتهاء من عمل الموديلينج لها و التركيز علي مهارات ال

Model In Place

المرحله التانيه من الكورس بتركز علي الحصر و الرسومات التنفيذيه و عمل التفاصيل و شغل المكتب الفني لكن طبعا لازم يكون عندي تصميم و تم عمل موديلينج له حتي اقدم عليه رسومات تنفيذيه و حصر و خفه لذلك فهي مترتبه علي المرحله السابقه

المرحله الثالثة

بتتناول الاظهار و الخامات و تصدير المشروع لمختلف حلول الريندر و استخدام افضل حلول الريندر داخل الريفيت نفسه مثل الفيراي و الانسكيب و غيرهم

المرحله الرابعه معنيه باهم شيئ ف الريفيت و هو الكوردنيشن و الكولبريشن و كيفيه شير المعلومات داخل المشروع و كيفيه العمل علي مشروع في تيم عمل متكامل و العديد من الاضافات المهمه للريفيت و اللي بتسهل عمل حجات كتير في وقت بسيط

بعد الانتهاء من الاربع مراحل الخاصه بالريفيت عليك التوجه لكورس النافيزوركس لاستكمال البيم بروسيس و اضافه الابعاد الرابع و الخامس و عمل محاكاة تنفيذ و ادارة المشروع و حل مشاكل التصادمات قبل التنفيذ في الواقع