Microsoft Excel Beginner to Professional (Malayalam)

Microsoft Excel ആദ്യം മുതൽ പഠിക്കാനും, Data Analysis skill മെച്ചപ്പെടുത്താനും ആഗ്രഹിക്കുന്നവർക്കായി പൂർണമായും മലയാളത്തിൽ തയ്യാറാക്കിയ കോഴ്സാണിത്.

കൂടെ പരിശീലിക്കാൻ 60-ലേറെ പ്രാക്ടീസ് ഫയലുകൾ (Excel Workbooks) ഈ കോഴ്സിന്റെ ഭാഗമായി ലഭിക്കും.

ഇത് തുടക്കക്കാർക്ക് മാത്രമുള്ള കോഴ്സാണോ?

അല്ല. രണ്ടു തരം ആളുകൾക്ക് ഈ കോഴ്സ് ഒരുപോലെ പ്രയോജനപ്പെടും.

1. തുടക്കക്കാർ. അതായത്, Excel ആദ്യം മുതൽ പഠിക്കാൻ ആഗ്രഹിക്കുന്നവർ.

2. Excel സ്ഥിരമായി ഉപയോഗിക്കുന്നവർ. ഇതുവരെ അറിയാതെ പോയ കാര്യങ്ങൾ പഠിച്ച് അറിവിലെ വിടവുകൾ നികത്താനും, ജോലി കൂടുതൽ വേഗത്തിൽ ചെയ്യാനും ഈ കോഴ്സ് സഹായിക്കും.

ഈ കോഴ്സിൽ എന്തൊക്കെ പഠിക്കാം?

• Data Entry എളുപ്പമാക്കുന്ന ടൂളുകൾ (Data Validation, AutoFill, Custom List തുടങ്ങിയവ).

• വർക്ക്ഷീറ്റുകളിലും റിപ്പോർട്ടുകളിലും തീയതിയും സമയവും (Time Stamp) ചേർക്കാനുള്ള വഴികൾ.

• Excel-ലെ "മാജിക് ടൂൾ" ആയ ഫ്ലാഷ് ഫിൽ (Flash Fill) ഉപയോഗിച്ച് മണിക്കൂറുകളുടെ ജോലി നിമിഷങ്ങൾ കൊണ്ട് ചെയ്യുന്ന വിധം.

• ആയിരക്കണക്കിന് വരികളും കോളങ്ങളുമുള്ള വലിയ ഡാറ്റ സെറ്റുകൾ (Large Datasets) അനായാസം കൈകാര്യം ചെയ്യുന്ന വിധം.

• ഡാറ്റ എൻട്രി വേഗത്തിലാക്കുന്ന കീബോർഡ് ഷോർട്ട്കട്ടുകൾ (Keyboard Shortcuts in Excel).

• വർക്ക്ഷീറ്റുകളും വർക്ക്ബുക്കുകളും പാസ്‌വേർഡ് ഉപയോഗിച്ച് സംരക്ഷിക്കുന്ന വിധം (Password Protection).

• Excel-ൽ ഫോർമുലകൾ എഴുതുമ്പോൾ പാലിക്കേണ്ട അടിസ്ഥാന നിയമങ്ങൾ.

• ഒരു വർക്ക്ഷീറ്റിൽ ഇരുന്നുകൊണ്ട് മറ്റു വർക്ക്ഷീറ്റുകളിലെയും വർക്ക്ബുക്കുകളിലെയും ഡാറ്റ ഉപയോഗിക്കുന്ന വിധം.

• IF, VLOOKUP, COUNT, COUNTIFS, SUMIFS, AVERAGEIFS തുടങ്ങി Excel-ലെ ഏറ്റവും പ്രധാനപ്പെട്ട ഫംഗ്ഷനുകൾ.

• വർക്ക്ഷീറ്റുകൾ ആവശ്യാനുസരണം പേപ്പറിലേക്കും PDF ആയും പ്രിന്റ് ചെയ്യാനുള്ള ഓപ്ഷനുകൾ.

• വൃത്തിയുള്ളതും എളുപ്പം മനസ്സിലാകുന്നതുമായ വർക്ക്ഷീറ്റുകൾ തയ്യാറാക്കുമ്പോൾ ശ്രദ്ധിക്കേണ്ട കാര്യങ്ങൾ.

• ഡാറ്റ ഒറ്റനോട്ടത്തിൽ മനസ്സിലാക്കാൻ സഹായിക്കുന്ന Excel Charts.

• ഒരു ഫോർമുല പോലും എഴുതാതെ മിനിറ്റുകൾക്കുള്ളിൽ റിപ്പോർട്ടുകൾ തയ്യാറാക്കാൻ സഹായിക്കുന്ന പിവറ്റ് ടേബിൾ (Pivot Table).

എന്തുകൊണ്ട് Excel?

ലോകത്ത് ഏറ്റവും കൂടുതൽ ആളുകൾ ഉപയോഗിക്കുന്ന സ്പ്രെഡ്ഷീറ്റ് ആപ്ലിക്കേഷനുകളിൽ ഒന്നാണ് Excel. മൈക്രോസോഫ്റ്റിന്റെ കണക്കുകൾ പ്രകാരം ലോകമെമ്പാടുമായി 120 കോടിയിലേറെ ആളുകൾ Microsoft Office ഉപയോഗിക്കുന്നു. അവരിൽ ഏകദേശം 70 കോടി ആളുകൾ Excel ഉപയോഗിക്കുന്നവരാണ്.

Excel എല്ലാവരും പഠിക്കേണ്ടതുണ്ടോ? അക്കൗണ്ടിംഗ് മേഖലയിലുള്ളവർ മാത്രം അറിഞ്ഞാൽ പോരേ എന്ന് പലർക്കും തോന്നാം. പക്ഷേ അങ്ങനെയല്ല. ഇന്ന് സർക്കാർ ഓഫീസുകൾ ഉൾപ്പെടെ എല്ലായിടവും കമ്പ്യൂട്ടർവൽക്കരിക്കപ്പെട്ടിരിക്കുന്നു. ഐ.ടി. മേഖലയിലുള്ളവർക്ക് മാത്രമുള്ള സോഫ്റ്റ്‌വെയറല്ല Excel. ഏത് തൊഴിൽ മേഖല എടുത്തു നോക്കിയാലും അവിടെ Excel ഉപയോഗിക്കുന്നുണ്ടാകും.

അക്കൗണ്ടിംഗ് പ്രൊഫഷണലുകൾ കണക്കുകൾ സൂക്ഷിക്കാൻ Excel ഉപയോഗിക്കുമ്പോൾ, എഞ്ചിനീയർമാർ ഡിസൈൻ, കോസ്റ്റ് എസ്റ്റിമേഷൻ, ബില്ലിംഗ്, പ്രോജക്റ്റ് പ്ലാനിംഗ് എന്നിവയ്ക്കായി Excel ഉപയോഗിക്കുന്നു. എച്ച്.ആർ. പ്രൊഫഷണലുകൾ ജീവനക്കാരുടെ വിവരങ്ങൾ കൈകാര്യം ചെയ്യാനും, മാർക്കറ്റിംഗ്, സെയിൽസ് എക്സിക്യൂട്ടീവുകൾ സെയിൽസ് ഡാറ്റ രേഖപ്പെടുത്താനും വിശകലനം ചെയ്യാനും റിപ്പോർട്ടുകൾ തയ്യാറാക്കാനും Excel ഉപയോഗിക്കുന്നു. മിക്ക കോർപ്പറേറ്റ് സ്ഥാപനങ്ങളിലെയും ഉന്നതതല മീറ്റിംഗുകളിൽ വാർഷിക റിപ്പോർട്ടുകൾ അവതരിപ്പിക്കുന്നത് പോലും Excel ഡാഷ്ബോർഡുകൾ ഉപയോഗിച്ചാണ്.

ഡാറ്റയുമായി ബന്ധപ്പെട്ട ഏത് പ്രമുഖ സോഫ്റ്റ്‌വെയർ എടുത്താലും അതിൽ 'Export to Excel' എന്ന ഒരു ഓപ്ഷൻ കാണാം. അത്രത്തോളം ജനകീയമാണ് കോടിക്കണക്കിന് ആളുകൾ ദിവസവും ഉപയോഗിക്കുന്ന ഈ സ്പ്രെഡ്ഷീറ്റ് ആപ്ലിക്കേഷൻ.