كورس احتراف سوفت وير الموبايل - المستوى الاول

هل عايز تكون محترف في مجال سوفت وير هواتف الأندرويد وتعرف تتعامل مع كل المشاكل والأعطال الخاصة بالسوفت وير؟

لجميع أجهزة وبرندات الأندرويد المشهورة والموجودة حاليًا، زي أجهزة Huawei وXiaomi وSamsung وOPPO وInfinix وVIVO وNokia وRealme وغيرها.

لو إجابتك نعم، فخليني أقولك شوية تفاصيل مهمة.

وفي البداية ممكن تسأل، ليه أتعلم المجال ده تحديدًا وهو مجال سوفت وير الموبايل؟

وخليني أجاوبك.

في الوقت الحالي وفي المستقبل، فيه تطور كبير ومستمر في مجالات التكنولوجيا بشكل عام، ومجال الهواتف والموبايلات بشكل خاص.

وعشان كده بقى مهم إنك تتعلم واحد من المجالات التقنية المهمة زي مجال سوفت وير الموبايل، وده لأكتر من سبب.

والسبب الأول والأهم، إنك تتعلم وتمتلك مهارات جديدة تقدر تدخل بيها سوق العمل، لأن مجال سوفت وير الموبايل يعتبر من المجالات التقنية المطلوبة في الوقت الحالي.

وبالتالي تقدر تشتغل في المجال ده وتحقق دخل كويس، وفي نفس الوقت تكتسب خبرة عملية جديدة.

والسبب التاني، إنك تقدر تشتغل في أي مكان ومن أي مكان تريده، لأنك تقدر تشتغل في محل من محلات إصلاح الهواتف، أو تشتغل في محلك الخاص، أو حتى تشتغل أونلاين من البيت من غير ما تحتاج تروح لأي مكان.

ودلوقتي خلينا ننتقل للنقطة التانية، وهي مين يقدر يستفيد من الكورس ده؟

أي شخص يقدر يستفيد ويتعلم من الكورس ده، ومن غير ما يكون عنده خبرة سابقة في مجال سوفت وير الموبايل، لأن الكورس معمول لكل شخص عنده رغبة في تعلم مجال سوفت وير الموبايل.

والكورس هيبدأ معاك من الصفر حرفيًا، ومن غير ما تحتاج يكون عندك أي خبرة سابقة في المجال.

والنقطة التالتة، وهي هل فيه أي متطلبات مهمة عشان تتعلم من الكورس ده؟

الدورة التدريبية دي مش محتاجة متطلبات صعبة أو كتيرة، كل اللي محتاجه هو جهاز كمبيوتر، وهاتف، واتصال بالإنترنت.

طيب، خلينا ننتقل للنقطة الرابعة والأهم، وهي محتويات الكورس والمنهج العملي للدورة التدريبية.

في الكورس ده هنعرضلك كل المعلومات من البداية للنهاية ومن الصفر، وبطريقة سهلة جدًا وميسرة ومتسلسلة من الأسهل للأصعب.

وهنشرحلك طريقة التعامل الصحيحة والاحترافية مع موبايلات سامسونج وجميع براندات الموبايل التانية، زي هواوي وشاومي وأوبو وإنفينيكس والكاتيل وفيفو وغيرها من براندات الموبايل اللي بتستخدم معالجات ميدياتك وكوالكوم وسبريد.

وخلال دراستك للكورس هتتعلم مهارات كتير، وهنذكر أهمها باختصار عشان نوفر وقتك، لكن تقدر تعرف المنهج كامل وخطة الدراسة من خلال الفيديو التقديمي، ومن خلال مشاهدتك لسلسلة الدروس والمحاضرات الموجودة في الكورس.

1 - هتعرف كل المعلومات عن بداية ظهور نظام الأندرويد وأهميته وتطوره.

2 - هتعرف أهم المهارات اللي محتاجها عشان تتعلم بشكل سريع ومنظم من خلال الكورس.

3 - هتعرف كل حاجة تخص التعامل الصحيح والاحترافي مع أعطال السوفت وير الخاصة بموبايلات سامسونج، بداية من أبسط وأسهل الأعطال والمشاكل لحد أهم وأصعب الأعطال.

4 - هتكون قادر تتعامل مع كل حمايات السوفت وير الموجودة على موبايلات سامسونج الحديثة.

5 - هيكون عندك المهارة العملية لحل وإصلاح أهم أعطال السوفت وير لأجهزة وموبايلات سامسونج.

6 - هتكون قادر تتعامل مع كل مشاكل السوفت وير لهواتف الأندرويد اللي بتستخدم معالجات ميدياتك.

7 - هيكون عندك الأساسيات والمهارات المهمة للتعامل مع كل حمايات هواتف ميدياتك من البداية للنهاية.

8 - هتكون قادر تتعامل مع كل مشاكل السوفت وير الخاصة بأجهزة الأندرويد اللي بتستخدم معالجات كوالكوم.

9 - هيكون عندك المهارة اللازمة للتعامل مع كل حمايات أجهزة أندرويد كوالكوم من البداية للنهاية.

10 - كمان هيكون عندك المهارة اللازمة للتعامل مع كل أعطال السوفت وير لأجهزة الأندرويد اللي بتستخدم معالجات سبريد.

11 - الكورس متقسم لأجزاء متتالية، بيبدأ بجزء سامسونج، وبعده أجزاء معالجات ميدياتك، وبعدها معالجات كوالكوم، وفي النهاية معالجات سبريد.

12 - كل المحاضرات هدفها الأساسي إننا نأسسك بشكل كويس، وعشان كده هتبدأ معاك من الصفر ومن غير ما تحتاج لأي خبرة سابقة.

13 - هيتشرحلك كل الطرق المختلفة للتعامل مع أعطال السوفت وير، بداية من الطرق المجانية، مرورًا بطرق الشغل على بوكسات السوفت وير، ووصولًا لطرق الشغل المدفوعة.

14 - كل المحاضرات والدروس فيها أمثلة عملية لإصلاح مشاكل السوفت وير على أجهزة أندرويد مختلفة.

15 - بعد ما نخلص شرح كل جزء من أجزاء الكورس، هنعمل مراجعة كاملة للجزء ده عشان نتأكد إن المعلومة وصلت بشكل صحيح.

16 - وبعد ما نخلص كل جزء من أجزاء الكورس، هنعمل شروحات كاملة لطريقة الشغل على أشهر منتجات السوفت وير الخاصة بكل جزء من البداية للنهاية، سواء كانت بوكسات أو دونجلات أو برامج مجانية ومدفوعة.

17 - الكورس هيتم تحديثه باستمرار، وهيتم إضافة المزيد من المحاضرات والدروس الجديدة له.

18 - وبعد ما تخلص دراسة الكورس، هتقدر تتعامل مع مشاكل السوفت وير لموبايلات سامسونج وشاومي وهواوي، وجميع براندات وأجهزة الأندرويد المختلفة اللي بتستخدم معالجات ميدياتك وكوالكوم وسبريد.

ودي نبذة مختصرة وبسيطة عن محتويات الكورس، لكن تقدر تشوف الفيديو التقديمي عشان تعرف تفاصيل أكتر عن منهج الكورس وخطة الشغل.

بعد ما تخلص دراسة الكورس، هيكون عندك مجموعة كبيرة من المهارات العملية اللي تساعدك تدخل سوق العمل من غير رهبة أو خوف.

وبعد إتمام دراستك للكورس، هتكون قادر تشتغل في مجال سوفت وير الموبايل بشكل احترافي.

وأعدك إنك بعد ما تخلص الكورس هتكون من الأشخاص المميزين في المجال، وهتقدر تحقق أكبر استفادة ممكنة من الوقت والمجهود اللي هتخصصه لتعلم سوفت وير الموبايل.