دورة تدريب في المنزل للرجال (مع دامبلز)

علعافية يا وحش انا رمزي عناب وبقسم الشرح هاد حشرحلك شو هيا الدوره هاي عشان اتكون عارف قبل ما تشترك.

الدورة مكونة من جدول تدريب بالمنزل بأستخدام الدامبلز وجدولين تغذية واحد للتضخيم وواحد للتنشيف.

جدول التدريب عباره عن فيديوهات مصور فيها كل يوم شو تلعب مع شرح كل تمرين، الدورة مافي فيها متابعة ولكن ابتقدر تسأل اسألة ازا في اشي مش واضح.

الجدول التدريب لح يكون 4 ايام تدريب بالاسبوع بطريقة البش بل لجز يعني يوم لعضلات الدفع يوم لعضلات السحب يوم لعضلات الرجلين واليوم الرابع لعضلات الجسم كامل.

بالدوره هاي لح تحتاج 2 دامبلز من اللي بتفكفكو وبتركبو يعني الي اوزانهم متغيره. ليش لأنو في تمرين لح نحتاج فيها اوزان خفيفة زي تمرين الفلاي جانبي وتمرين ثانية بدها اوزان متوسطة زي تمرين الباي، وفي تمرين للظهر ورجلين بدها اوزان ثقيلة.

قديش اثقيلة يعني ، الدامبلز الوحدة بدو يكون وزنها كامل من 15 – 20 كيلو.

اما اول جدول تغذية فهو موجه للشخص الي انحيف ونسبة الدهون بجسمو كثير قليلة وهدفو يضخم + مكملات غذائية اختيارية مش اجباري تستخدمها عشان تشوف نتائج.

تاني جدول تغذية موجه للي عندو بجسمو نسبة دهون متوسطة حوالي ال25 بالمية وهدفو يقلل نسبة الدهون ويرفع نسبة العضلات + مكملات غذائية اختيارية مش اجباري تستخدمها عشان تشوف نتائج.

مش حضحك عليك التمرين بالبيت الو حدود يعني مش حتسير مستر اولمبيا وانت ابتلعب بالبيت بوزن اقصى 20 كيلو عكل ايد. ولكن هل ابتقدر تبني عضل وتعمل جسم امرتب ومبهر وانت بالبيت %100.

تنويه هام .الدوره هاي مش لواحد عندو نسبة دهون عالية فوق ال 30 بالمية وبدو ينحف الدوره هاي هدفها الاساسي بناء العضل مش تنحيف.