გახდი Flatz-ის აგენტი: ბინების გაქირავება

ეს კურსი გასწავლით ყველაფერს, რაც საჭიროა იმისათვის, რომ წარმატებით იმუშაოთ უძრავი ქონების გაქირავების სფეროში.

კურსის დასაწყისში ისწავლით, როგორ იპოვნოთ გასაქირავებელი ბინები, დაუკავშირდეთ ბინის მფლობელებს და წარმატებით მოელაპარაკოთ მათ. შემდეგ, ისწავლით როგორ შექმნათ ეფექტური რეკლამები და განათავსოთ ისინი სწორი არხებით.

შემდეგ ეტაპზე დაეუფლებით ჩვენი შიდა მონაცემთა ბაზის გამოყენებას — ბინებისა და მათი მეპატრონეების საჭიროებების სწორად დაფიქსირებას და ამ ინფორმაციის ეფექტურად გამოყენებას.

დასასრულს, ისწავლით როგორ მოძებნოთ მქირავებლები, როგორ დაამყაროთ მათთან კომუნიკაცია და როგორ შეარჩიოთ მათთვის შესაფერისი ბინები.

კურსი აერთიანებს როგორც ტექნიკურ ცოდნას, ასევე ე.წ. რბილ უნარებს — როგორ ესაუბროთ კლიენტს, როგორ ააშენოთ ნდობა და როგორ დახუროთ გარიგება.

თუ ახლა იწყებთ ან ახალ კარიერაში გინდათ გამოცადოთ თქვენი ძალები, ეს კურსი დაგეხმარებათ სწრაფად და წარმატებით დაიწყოთ კარიერა უძრავი ქონების სფეროში.

ყველაზე მთავარი რაც საჭიროა ამ საქმეში წარმატების მისაწევად არის წარმატების უწყვეტი სურვილი, ან უფრო ზუსტად მარცხის ადვილად გადატანა. ეს საქმე მთლიანად გამძლეობაზეა დამოკიდებული და ის გაიმარჯვებს ვინც არ დანებდება. თუ ყოველ დღე ჩვენი გეგმა იქნება ვთქვათ 20 ახალ მეპატრონესთან დაკავშირება და მათგან ბინისთვის რეკლამის დადების ნებართვის აღება, ამისთვის სავარაუდოდ საჭირო იქნება დარეკოთ სულ მცირე 35-40 სხვადასხვა ნომერზე და გაესაუბროთ ამდენივე ადამიანს. გაითვალისწინეთ ისიც რომ ყველა მათგანთან სასიამოვნო და პროდუქტიული საუბარი ვერ გექნებათ, რისთვისაც თავიდანვე მზად უნდა იყოთ. გაითვალისწინეთ ისიც რომ ნებისმიერი პრობლემა არის საერთო მთელი კომპანიისთვის და ყველა მივიღებთ სარგებელს თუ ერთმანეთს დავეხმარებით.