دورة تدريب للسيدات

نهارك سعيد انا رمزي عناب هون حشرحلك شو هيا الدورة هاي على شان تكوني عارفة قبل ما تسجلي.

الدورة عبارة عن فيديوهات متسلسلة مشروح فيها كل يوم شو تلعبي بالجيم. بتفوتي مثلا على اليوم الاول بطلعلك التمارين الي لح تلعبيها في اليوم الاول كل تمرين مصور بالفيديو وعليه شرح كيف الطريقة الصحيحة انك تلعبي.

الدورة فيها جدولين تدريب المستوى الاول والمستوى الثاني وجدولين تغذية.

اول جدول تدريب المستوى الاول موجه للمبتدئات

الجدول مكون من 5 ايام تدريب بالاسبوع يومين منهم للجزء السفلي من الجسم ويومين منهم للجزء العلوي من الجسم واليوم الخامس لح يكون كارديو.

المستوى الاول بتلتزمي فيو لمدة 6 اسابيع.

اما تاني جدول تدريب المستوى الثاني نفس مبدى المستوى الاول بزبط ولكن التمرين لح اتكون اصعب بشوي. برضو بتلتزمي فيو لمدة 6 اسابيع. فأزن الدورة كاملة مدتها 12 اسبوع ثلاث اشهر.

جدول التغذية الاول موجه لسيدة النحيف الي عندها نسبة دهون اقل من 20% وهدفها تزيد وزنها + مكملات غذائية اختيارية مش اجباري تستخدميها عشان تشوفي نتائج.

اما جدول التغذية الثاني موجه لسيدة الي عندها نسبة دهون متوسطة حوالي 30% وهدفها تقلل نسبة الدهون وتزيد نسبة العضلات + مكملات غذائية اختيارية مش اجباري تستخدميها عشان تشوفي نتائج.

للتوضيح الدورة مافي فيها متابعة شخصية ولكن بتقدري تساليني اسألة ازا في اشي مش واضح في قسم الاسألة والاجوبة داخل الدورة.