Interior Design Modeling with Revit 2024 and Enscape 4

أهلاً بحضرتك في كورس الديكور الداخلي بالريفيت

في الكورس ده بإذن الله، هنستخدم الفيلا بتاعتنا، إلي رسمناها في كورس اليوتيوب، وهنعمل شغل الإنتريور، لبعض فراغات الدور الأرضي

وهنشوف بإذن الله، إزاي البيم، غير تماماً طريقة شغل الإنتريور، وخلانا نرسم الفكرة، ونعدل فيها ثري دي،. كأننا بنفذ في الموقع، لحد ما نوصل للتصميم مناسب

ومع الـ إنسيكب، بنقدر نعمل رندرينج للتصميم بتاعنا، صور أو فيديوهات

وإزاي بنستخرج المخططات التنفيذية لشغل الديكور، ونرسم أي تفاصيل محتاجينها ثري دي بالأبعاد

وازاي أقدر أضيف اقتراحات مختلفة لعناصر الديكور المختلفة، أرضيات أو حوائط أو تصميم الأسقف

واقدر طبعاً أعمل حساب الكميات لعناصر التشطيب

وقسمنا الكورس إلى 12 قسم:

01. مقدمات الكورس، وهنعرف فيه محتويات الكورس ونفهم اسكتشات التصميم إلي هنبدأ بيها الشغل

02. شغل التأسيس للديكور، وهنظبط فيه المبنى بتاعنا، وهنكسر ونعدل حسب متطلبات التصميم

03. تصميم المدخل الرئيسي، ونقصد بيه باب الفيللا الرئيسي،. موديلينج كامل، مع تظبيط الـ ماتريالز والإضاءة

04. تشطيب الأرضيات الداخلية

05. رسم الفرش الداخلي

06. تصميم الحوائط، وهنرسم فيه التجليدات الخشبية والرفوف والمكتبات والستاير والأبواب والشبابيك

07. رسم الأسقف الجبس، مع رسم النظام الإنشائي للتعليق

08. تصميم الإضاءات

09. إضافة مقترحات عن طريق الـ ديزاين أوبشنز

10. الـ رندرينج، صور وفيديو ومونتاج بسيط ببرنامج كامتازيا

11. المخططات التنفيذية

12. استخرج مكتبة ماتريالز ومكتبة فاميليز من الشغل بتاعنا