أساسيات التحليل الأنشائي

أهلا بيك في كورس أساسيات التحليل الإنشائي المقدم من مجتمع المهندس المدني.

-مفيش مهندس في مدني مايعرفش أهمية مادة التحليل الإنشائي او Structure analysis .

-مادة التحليل الإنشائي هي أساس كل حاجه يعني مثلا علشان تصمم فله او برج لازم تكون عارف ايه المكونات الأساسية اللي هتتعامل معاها زي الكمره والعمود والبلاطه وهكذا.

-مهم جدا جدا انك تكون فاهم سلوك كل عنصر من العناصر دي عامل ازاي ودا هيجي من دراستك لماده التحليل الإنشائي

-لازم تعرف تحل بإيديك قبل ماتحل على البرامج دي حاجه مهمه جدا جدا جدا عشان لو لقدر الله البرنامج حل غلط فبنظرتك ليه تعرف الخطأ فين من النظرة الأولي.

-الكورس بتاعنا مناسب جدا لاي طالب بيدرس في الهندسه المدنيه لاننا هنبدأ من الصفر.

-هنبدأ مع بعض نعرف ايه هي الركيزة وايه هي انواعها.

-بعد كده هنعرف مع بعض انواع الأحمال اللي بتأثر على اي منشأ او جميع الأحمال اللي هتقابلك في حياتك.

-بعد كده هنعرف ازاي نحسب ردود الأفعال على الكمرات وان شاء الله في المتقدم من الكورس هندرس كمان الفريمات.

-هنتكلم شويه على المفصله الوسطيه او Interemediate hinge وهنعرف شكلها ف الواقع عامل ازاي.

-هنبدأ بقي ندخل في أهم جزء وهو الأحمال الداخليه النورمال والشير والمومنت وهنعرف ازاي نحسب ونرسم كل نوع.

-بعد كده هنكمل السلسه بتاعتنا وهنتكلم عن الأشكال الغير محدده استاتيكيا وازاي اقدر ارسم المومنت والنورمال والشير بطرق مختلفة.

-وأخيراً الجميل في الكورس إن فيه مهام مطلوبة منك تقدر من خلالها تطبق اللي اتعلمته وهناخد مسائل كتير وهنحلهم مع بعض وهيكون معاك منيتور بيتابع معاك أول بأول لحد مانوصل للإمتياز في مادة التحليل الإنشائي إن شاء الله.

-كمان تقدر تراجع الكورس في أي وقت أثناء دراستك في الكلية وتقدر ترجعله في أي وقت لأن الماتريال هتكون معاك على طول.

-مش مطلوب منك غير الإلتزام والتطبيق بعد كل فيديو.

نشوفك بقي في كورس جديد إن شاء الله ربنا يوفقكم ويسدد خطاكم ويزيدكم من فضله.