مقدمة فى البيم Bim Introduction

بدايتك الصح لفهم عالم البيم بشكل علمى وعملى
Rating: 4.7 out of 5 (13 ratings)
338 students
Arabic

#كورس_البيم بدايتك الصح لفهم عالم البيم بشكل علمى وعملى
وكمان بنقدملك محتوى قيم
ناتج من خبرات عملية
مش مجرد رؤوس أقلام

Requirements

  • لا يشترط معرفى سابقة بالبيم

Description

ناس كتير بتسأل إيه هو الـ BIM ؟

وإيه هو وجه الربط بينه وبين برنامج الريفيت؟

وهل هو برنامج أصلا؟ وإزاي أقدر أستفاد بيه في سوق العمل حاليا؟

كل الأسئلة دى وأكتر كمان هنجاوب عنها فى #كورس_البيم

واللى بنستعرض فيه الموضوع كامل من البداية للنهايةبكل التفاصيل المرتبطة بيه

علشان تقدر تفهم الموضوع بشكل واضح وكمان تكون عارف هتطبقه إزاى فى الواقع العملى

ومن المواضيع اللى هنتكلم فيها

** ما هى البيم What is BIM

** مستوى التفاصيل فى البيم BIM LOD

** أبعاد البيم BIM Dimensions

** مستخدمى البيم BIM Users

** برامج البيم BIM Programs

** مخرجات (نواتج) البيم BIM Outputs

=========

بادئ ذي بدء أحب أوضح بس اختصار BIM بيعبر عن ايه...

كلمة BIM هي اختصار لـ Building Information Modeling أي نمذجة معلومات البناء، بمعنى آخر هي تكنولوجيا (وليس برنامج) بتعتمد على عمل نموذج لكل معلومة تخص المبنى بتاعك أيا كان ماهيته (مبنى سكني، مستشفى، مدرسة، برج، شارع، مصنع ... إلخ)

بمعنى تاني برضه، إنك بتعمل نموذج وتمثيل مرئي للمعلومة وكأنك بتشوف ماكيت ثلاثي الأبعاد مش لوحة أوتوكاد بس، وفي نفس الوقت كل عنصر بيتمثل بالطريقة دي بيكون غني جدا بكل المعلومات اللي بيحتاجها كل الأفراد القائمين على تنفيذ العنصر ده في الحقيقة (مهندس معماري، مدني، ميكانيكي، كهربي، مقاول البناء ...)

والـ BIM كنظرية موجود من 1970م بس وقتها كانت الأجهزة ضعيفة في تمثيل خصائص المبنى في نموذج رقمي، وأول تطبيق فعلي ليه كان ببرنامج أركيكاد لشركة Graphisoft في بداية 1987م.

ودلوقتي نقدر نقول إن الـ BIM مجرد تقنية أو عملية تتضمن كل الرسومات المعمارية والانشائية والتنفيذية ومراحل التصنيع وصولا لتسليمها لمالكي المشروع، يعني مش مجرد بتطلع لوحات 2D ولا بس بتقدر تطلع منه منظور 3D، ده كمان بياخد عامل الزمن معاه 4D وبيشمل كمان عامل التكلفة 5D مش بس تكلفة عنصر (زي الباب مثلا) وأجرة العامل وثمن المسامير ومقاول الباطن كمان، والـ BIM بيوفرلك أقصى استفادة في موضوع الـ Safety وفي إدارة المشروعات ...

طبعا لو فاهم مبادئ الـ BIM هتقدر بكل سهولة تعمل نموذج دقيق وغني بالمعلومات للمبنى بتاعك، وتوفر الوقت وتحل المشاكل قبل ما تحصل لمجرد إنه بيتيح لك التكامل والتنسيق بين كل المهندسين القائمين على المشروع وكمان تقدر من خلاله تربط بين التصميم والتنفيذ (وبالتالي توفر تكلفة ووقت) ...

ده غير إن بيئة العمل في الـ BIM بيكون سهل عليك تعمل أي تعديل أو تحديث لأي عنصر أنت رسمته...

ده غير بقى تحسين عملية الإخراج النهائي Visualization ومحاكاة الواقع Simulation و التكامل Coordination بين المناظر والقطاعات والجداول المختلفة في المشروع الواحد، وكمان الحصر الدقيق لجميع أجزاء المشروع خصوصا في بداياته ...

وبعد كل ده نقدر نقول دلوقتي إن الريفيت ما هو إلا برنامج تابع لتقنية الـ BIM زي برامج تانية كتير بتطبق التكنولوجيا دي (AutoCAD Structural Detailing, Robot, 3Ds MAX, Naviswork, …)

Who this course is for:

  • طلبة وخريجى كلية الهندسة بالإضافة إلى أى شخص مهتم بتقنية البيم

Instructor

Structural Design Engineer / ACI / ACP
Mahmoud Elmekawy
  • 4.8 Instructor Rating
  • 18 Reviews
  • 350 Students
  • 3 Courses

Eng. Mahmoud Elmekawy

- Structural Design Engineer

-
Experience I have not only in the field of structural design, but also I have experience in the field of BIM technology

  * Autodesk Certified Professional Revit Structure

* Autodesk Certified Professional Revit Architecture

* Autodesk Student Ambassador Silver

* Autodesk Certified Instructor

المهندس محمود المكاوى
|| مهندس مدنى

خبرة أكتر من 8 سنوات فى أعمال التصميم والتنفيذ والمكتب الفنى

محترف معتمد فى برنامج الريفيت الإنشائى والمعمارى
محاضر معتمد من شركة أتوديسك العالمية
محاضر بمركز كاد ماسترز ومركز نقاط
محاضر معتمد من نقابة المهندسين

خبرة كبيرة في مجال الكورسات الأونلاين ولدى كورس ريفيت إنشائى إحترافى كامل مسجل أونلاين