Basic French language course in Amharic (የፈረንሳይኛ ቋንቋ ትምህርት)

የመሰረታዊ  የፈረንሳይኛ ቋንቋ ትምህርት በአማርኛ አጭር መግለጫ

ይህ ኮርስ የፈረንሳይኛ ቋንቋ መማር ለሚፈልጉ አማርኛ ተናጋሪዎች የተዘጋጀ የመሰረታዊ ትምህርት ሲሆን ተማሪዎች ትምህርቱን በተቀላጠፈ እንዲማሩት ታሳቢ በማድረግ በቀላሉ በአማርኛ የቀረበ ሲሆን የማቅረቢያ ፅሁፎች እና ሌሎች ስራዎች የእንግሊዝኛ ቋንቋን ተጠቅመናል። የኮርሱ ዋና ዓላማ ፈረንሳይኛን እንደ አዲስ ቋንቋ መማር ለሚፈልጉ ሰዎች ቀላል ዘዴዎችን በአማርኛ ቋንቋ በመታገዝ በተቀላጠፈ ሁኔታ ማቅረብ ነው። ትምህርቱ የፈረንሳይኛ ቋንቋ የመሰረታዊ የሰዋሰው ህጎች፤አቅጣጫዎችን እና አገባብ የሚያቀርብ ሲሆን፣ ተማሪዎች በራሳቸው ፈረንሳይኛን ማንበብ፣ መጻፍ እና መናገር ይችላሉ።

ትምህርቱ አምስት ሞጁሉች እና አስራ ስምንት የትምህርት ክፍለ ጊዜዎችን የያዘ ሲሆን በያንዳንዱ የትምህርት ክፍለ ጊዜዎች ተማሪዎች የተማሩትን ትምህርት ምን ያህል እንደተረዱ እውቀተዎን ለመመዘን የሚረዱ ፈተናዎች ተዘጋጅተዋል ።

በዚህ ትምህርት ውስጥ፣ የፈረንሳይኛ ፊደላት እና የድምጽ ስርአታቸው፣ አጠቃላይ የፈረንሳይኛ ቋንቋ የንባብ ህጎች፣ እና የሰላምታ ልውውጦች፣ መሰረታዊ ቃላትና ብዙ ጊዜ የምንጠቀምባቸውንና በቀን ከቀን እንቅስቃሴያችን የሚያጋጥሙንን የተለመዱ ሐረጎች በተለይም በእለት ከእለት ግንኙነት ልዩ ልዩ ሁኔታዎች ላይ እንዴት እንደምንጠቀም ይዳሰሳል። እንዲሁም፣ ትምህርቱ በየመደቡ የተሳተፉ ተማሪዎች የፈረንሳይኛ ቋንቋ ችሎታቸውን ለማጠናከር በሚያስችላቸው ቅልጥፍናዎችና ተግባራዊ ስልጠናዎች እና ፈተናዎች ይደግፋል።

የዚህ ትምህርት ዋና አላማ፣ ተማሪዎች ራሳቸው በራሳቸው የመማር አቅም እንዲጨምሩ እና በቀላሉ ቋንቋውን ለመጠቀም ዝግጁ እንዲሆኑ ማድረግ ነው። ፈረንሳይኛን ለመጀመር የሚፈልጉ ሁሉም ሰዎች፤ ፈረንሳይኛን እየተማሩ ያሉና የበለጠ ማዳበር ወይም ማሻሻል የሚፈልጉ እና ወደ ውጪ ሀገር መጓዝ የሚፈልጉ በቋንቋ እጥረት ችግር ምክንያት የሚያጋጥማቸውን ተግዳሮቶች ለመፍታት ይህን ትምህርት መከታተል ይችላሉ ።