AUTODESK INFRAWORKS | كورس تعلم برنامج الانفراوركس
What you'll learn
- معرفة متكامله بجميع عناصر برنامج الانفراوركس
- عمل تصاميم مبدئية ونهائية لمشاريع الطرق والسكك الحديدية
- تصميم وتحليل شبكات الأمطار والضرف الصحي
- عمل تحليل ومحاكاة للحركة المرورية على الطرق والتقاطعات
- مشاركة وتبادل الملفات بين الانفرا وبرامج أوتوديسك المختلفة
- عمل مجسمات متكاملة لمشروعات البنية التحتية وإخراجها بشكل صور وفيديوهات عالية الجودة
Requirements
- لا يتطلب أى معرفة مسبقة ببرنامج الانفراوركس
- معرفة مسبقة ببرنامج السيفيل لربط المشروعات بينه وبين الانفرا
Description
AUTODESK INFRAWORKS FOR INFRASTRUCTURE DESIGN
مجال البيم هو أحد اكتر المجالات انتشاراً حول العالم فى السنوات الاخيرة.
ومؤخراً أصبحت تقنية البيم الخاصة بالبنية التحتية BIM for Infrastructure واحده من أكتر المجالات طلباً فى سوق العمل فى الدول العربية وفى سوق العمل العالمى.
وأحد أهم البرامج المستخدمة فى التقنية دى هو برنامج الانفراوركس.
وترجع أهميته برنامج الانفرا إلى انه بيستخدم فى جميع مراحل المشروع سواء كانت فى بدايته بحيث من خلاله نقدر نعمل تصميم مبدائى لأى مشروع بشكل ثلاثى ابعاد متكامل بكل تفاصيلة وفى دقائق معدودة.
وكمان نقدر من خلاله التعامل مع ملفات من برامج تانية زى السيفيل والريفيت وغيرها كتير من برامج البيم ودمجها فى مشروع واحد بحيث نقدر نعمل اخراج نهائى للمشروع سواء بشكل فيديو أو بشكل ملفات ثلاثية ابعاد تقدر تشوفها من خلال تقنية الواقع الافتراضي.
وعشان كده بقدم لكم كورس تعلم برنامج الانفراوركس من البداية وحتى الاحتراف.
فى خلال الكورس هنتعلم بإذن الله
ايه هى تقنية البيم وكيفية إستخدامها فى مشروعات البنية التحتية ودور برنامج الانفراوركس لتحقيق أقصى إستفادة منه أثناء تصميم المشروع ودراسته.
بعدها هنبدأ في الشرح التفصيلي لواجهة البرنامج وكيفية إعداده عشان يناسب معطيات ومتطلبات المشروع.
هننتقل بعدها ونبدأ نجهز للمشروع الخاص بنا ونعرف كيفية تجهيز واستدعاء الموديل داخل البرنامج وتحديد نظام الاحداثيات المتبع فى المشروع ونشرح الادوات الاساسية للتعامل مع الملفات داخل البرنامج.
كمان هنتعلم كيفية التحكم فى الطبقات و التنسيقات و الاستايلات الخاصة بالعناصر المختلفة داخل المشروع.
ومن هنا نبدأ مرحلة التصميم هنتعلم إزاى نقدر نصمم الطرق داخل البرنامج وإزاى نقدر نتحكم فى العناصر التصميمية للطريق زى البروفيل و السوبر ايليفيشن وكمان هنصمم تقاطعات بين الطرق ونعرف إزاى نقدر نضيف عناصر مختلفة للطرق زى اسهم الاتجاهات و العلامات الارضية للطريق.
ومنها هننتقل لمرحلة التعديل على الاستايلات الخاصة بالطرق وهنشوف سهولة تغيير نوع قطاع الطريق من حيث عدد الحارات وانواع التقاطعات وإزاى ان التغييرات دى بتتم بشكل مباشر وتقدر تشوف نتائجها بمجرد تغييرها.
هنتعلم إزاى نصمم خطوط سكك حديدية داخل البرنامج وكيفية عمل حلول لمناطق تقاطعات السكك الحديدية مع الطرق سواء بإضافة جسور او انفاق أو حتى عمل تقاطع سطحى بينهم.
هنتناول بعدها كل ما هو يخص العناصر الانشائية فى المشروع زى الكبارى و الانفاق و حتى المبانى المحيطة بالمشروع وهنشوف إزاى بسهولة نقدر نغير بين انواع الانفاق أو انواع الجسور وإزاى نقدر نعدل مواصفات المبانى بكل بسهولة.
ننتقل بعدها الى الشبكات ونعرف ازاى نقدر نضيف عناصر مختلفة للشبكات زى العبارات الصندوقية الموجودة اسفل الطرق وكذلك ازاى نقدر نصمم شبكات تصريف مياة الامطار وإظهار كافه عناصرها وإزاى نقدر نعمل تحليل لسطح المشروع عشان نقدر نحدد أماكن تجمع المياة داخل المشروع.
بعدها هنبدأ نضيف عناصر طبيعية وصناعية على مخطط المشروع زى المبانى الخدمية والاشخاص و السيارات والاسوار وحتى الطيارات فى الجو كمان وهنشوف إزاى نقدر نضيف عناصر طبيعية زى الاشجار والبحيرات والمناطق الخضراء.
هننتقل بعدها لشرح القائمة الخاصة بعمليات التحليل لعناصر المشروع سواء تحليل للطرق نفسها من حيث اعداد تقارير للعناصر الطريق والمعايير المستخدمة فى التصميم وكميات الحفر و الردم وتكلفة انشاء الطريق بناءا على الاسعار المدخلة إليه.
كذلك نقدر نعمل محاكاة لحركة المرور وكثافته على الطريق ويظهر لنا حركة السيارات بشكل فيديو وكذلك بشكل تقارير يمكن طبعتها.
كمان نقدر نعمل تحليل للمنشاءات الموجودة فى المشروع كالجسور و الانفاق و تحليل للشبكات الموجودة فى المخطط وعمل تقارير مفصلة لها.
هننتقل بعدها لشرح كيفية عمل الاخراج النهائى للمشروع بشكل صور عاليه الجودة وملفات فيديو توضح بالتفصيل كافة انحاء المشروع من خلال عمل مسارات لحركة الكاميرات وتحديد الفترات الزمنية للانتقال بينهم لإخراج فيديو تفصيلى للمشروع.
كمان هنوضح ازاى نقدر نعمل مشاركة لملفات العمل الخاصة بالانفراوركس وكيفية عمل ملفات للمشروع بعد تصميمه عشان نستخدمها فى برامج تانية زى السيفيل ثرى دى او النافيس وركس.
وأخيراً هيكون فيه ورشه عمل لمشروعين مختلفين هنشوف من خلالهم إزاى اننا بسهولة نقدر ندمج بين السيفيل ثرى دى والانفرا وازاى نقدر ندمج بين الريفيت وبين الانفرا بحيث نوضح سهولة اننا ننقل المشاريع الخاصة بين البرامج وبعضها.
بإذن الله بعد الكورس ده هيكون عندك المعرفة اللازمة و الاساسية لبرنامج الانفراوركس اللى من خلالها تقدر تتعمق أكتر واكتر فى مجال تقنية البيم لمشاريع البنية التحتية وتقدر تحسن من مستواك بشكل عام وتعطيك الافضلية فى سوق العمل العربى والعالمى.
Who this course is for:
- BIM كل من هو مرتبط بمجال ال
- مهندسي تصميم الطرق والسكك الحديدية
- مهندسى المكتب الفنى
- مهندسى التخطيط
Instructor
- 4.3 Instructor Rating
- 12 Reviews
- 45 Students
- 1 Course
I have been an Autodesk certified instructor since 2017, an Autodesk certified professional since 2012, Also, I am a BIM manager with 17 years of experience in infrastructure projects.
Throughout my career, I had the honor to give technical support To many consultants agents such as shaker and Subbour, many contractors such as New Giza company and Hassan Allam company.
Also, I worked on mega projects such as New jersey Airport, Metro Texas, Qatar stadium for world cup 2022.
During the last 10 years, I work as an instructor in many Autodesk training centers in Egypt.
Now is the time to share all of my knowledge and experience with you to better improve your career, get more experience in a small period of time without spending years and years trying to collect it.